दिल्लीका विद्यालय अझै एक महिना बन्द गरिने

एजेन्सी, १४ असार । भारतको दिल्ली राज्यका विद्यालयहरु अझै एक महिना बन्द गरिने भएको छ । कोरोना महामारीका कारण महिनौदेखि भारतका सबै विद्यालयहरुमा पठनपाठन बन्द गरिएको छ ।

         दिल्ली राज्यका उप मुख्यमन्त्री मनिष सिसोडियाले आउँदो जुलाई ३१ सम्म राज्यका सबै स्कूल बन्द गरिने बताएको भारतीय संचारमाध्यमहरुले जनाएका छन् । उप मुख्यमन्त्री सिसोडियाले सरोकारवाला र उच्च सरकारी अधिकारीहरुसँगको बैठकले अहिले विद्यालय खोल्न नहुने निष्कर्ष निकालेको बताइएको छ ।