पहिरोमा पुरिएर एकको मृत्यु

स्याङ्जा, १४ असार ।  स्याङ्जाको गल्याङ नगरपालिका–९ साङ्लियामा पहिरोले पुरिएर गएराती एक पुरुषको मृत्यु भएको छ ।  घरमाथिबाट पहिरो खस्दा कच्ची घरको गारो भत्किएपछि पुरिएर अन्दाजी ५० वर्षीय यमबहादुर विकको मृत्यु भएको हो । गम्भीर घाईते यमबहादुरलाई उपचारका लागि गल्याङ लैजाँदै गर्दा बाटोमा मृत्यु भएको प्रहरीले जनाएको छ ।

         श्रीमान्, श्रीमती र छोरा गरी तीन जना बस्दै आएको उक्त परिवारमा पुरिएर गम्भीर घाइते भएका यमबहादुरको बाटोमा मृत्यु भएको हो भने उहाँकी श्रीमतीको पाल्पास्थित मिसन अस्पतालमा उपचारका लागि लगिएको बताइएको छ। छोराको अवस्था सकुसल रहेको छ ।  घटनाको पूर्ण विवरण आउन केही समय लाग्ने स्याङ्जाका प्रहरी उपरीक्षक विमलराज कँडेलले जानकारी दिनुभयो ।