कारले ठक्कर दिदा बाबुछोराको मृत्यू

बुटवल  १५ असार। कारले ठकक्र दिदा रुपन्देहीको सैनामैनामा बाबुछोराको मृत्यू भएको छ । पुर्व पश्चिम राजमार्ग अन्तर्गत सैनामैना नगरपालिका वडा न। ६ कलौनि शान्तिटोलमा भएको सवारी दुर्घटनामा मृत्यु भएको हो ।कपिलबस्तुबाट बुटवल तर्फ आउंदै गरेको लु २ च ८५२९ नम्बरको कार र विपरित दिशातर्फ गईरहेको लु ५२ प ६२२९ नम्बरको मोटरसाइकल एकआपसमा ठक्कर खाएका थिए ।

        दिउसो २ बजेतिर भएको दुर्घटनामा परि मोटरसाइकलमा सवार सैनामैना वडा न१ का ५० वर्षिय टेकबहादुर परियार र ३० वर्षिय सन्तोष परियारको मृत्यु भएको हो ।मृतक दुवैजना बाबु छोरा रहेको प्रदेश ५ ट्राफिक प्रहरी कार्यालय बुटवलका प्रवक्ता प्रहरी उपरिक्षक डिल्लीनारायण पाण्डेले जानकारी दिए । मृतक मध्ये ५० बर्षक बुवा सन्तोष परियार कपिलवस्तुमा कार्यरत प्रहरी जवान समेत रहेको प्रहरीले जनाएको छ ।उनका छोरा टेक वहादुर परियार पछाडी बसेका थिए । दुर्घटनामा गम्भिर घाईते भएका दुवैजनाको उपचारको क्रममा लुम्बिनी प्रादेशिक अस्पतालमा मृत्यू भएको हो ।

    कार र मोटरसाईकल इलाका प्रहरी कार्यालय सालझण्डीको नियन्त्रणमा रहेको छ भने घटना सम्बन्धी थप अनुसन्धान भइरहेको प्रहरीले जनाएको छ ।कारमा सवार कपिलवस्तु शिवराज ५ का भीउ वहादुर रोका सामान्य घाइते रहेको वताइएकोछ ।