गाउँपालिकामा अनाथलाई भत्ता ,तीन लाख बजेट विनियोजन

प्यूठान १६ असार । प्युठानको सरुमारानी गाउँपालिकाले संरक्षकविहीन बालबालिकालाई मासिक भत्ता दिने भएको छ । भत्ता दिनका लागि गाउँपालिकाले चालु आर्थिक वर्षका लागि तीन लाख बजेट विनियोजन गरेको छ । अनाथ बालबालिकालाई पठनपाठनमा सहयोग पु¥याउने उद्देश्यका साथ सा कार्यक्रम पालिकाले अगाडि बढाएको हो । 

पालिकाले गत आर्थिक वर्ष २०७६/०७७ को नीति तथा कार्यक्रम र बजेटमा प्राथमिकताका साथ अनाथ बालबालिकालाई मासिक भत्ता दिने गरी कार्यक्रमको कार्यविधि तयार गरेर प्रभावकारी कार्यान्वयनका लागि अगाडि बढेको पालिका अध्यक्ष झगबहादुर विश्वकर्माले बताउनुभयो ।  भत्ताका लागि पालिकाका ६ वटै वडाका ६५ अनाथ बालबालिका छनोटमा परेका छन् ।