आजबाट सार्वजनिक गाडी चल्ने विषयमा निर्णय भएको छैनः महासंघ

काठमाण्डौ, २१ असार । नेपाल यातायात व्यवसायी राष्ट्रिय महासङ्घले सार्वजनिक यातायात सञ्चालनसम्बन्धी कुनै निर्णय नभएको जनाएको छ। आजदेखि  सार्वजनिक गाडी सञ्चालन हुने भन्दै सामाजिक संजालमा व्यापक हल्ला चलेकोमा महासङ्घले यस्तो निर्णय नभएको जनाएको हो । गाडी संचालनका विषयमा छलफल भइरहे पनि कुनै निर्णय भइनसकेको महासङ्घका महासचिव सरोज सिटौलाले बताउनुभयो ।

        महासङ्घले गाडी सञ्चालन नहुँदा यातायात व्यवसायी, मजदूर र यात्रुलाई परेको मर्काप्रति संवेदनशील हुन सरकारलाई अनुरोध गर्दै आएको छ ।  कोरोना भाइरस (कोभिड–१९) का कारण सरकारले गत चैत ११ मा लकडाउन गरेसँगै देशभरका सार्वजनिक गाडी संचालनमा आउन सकेका छैनन ।