नारायणी नदीमा डुबेर एक युवक बेपत्ता

चितवन, २३ असार । नारायाणी नदीमा दाउरा छोप्न जाने क्रममा नदीमा एक जना युवक बेपत्ता भएका छन् । भरतपुर महानगरपालिका–१ नारायणगढका २६ वर्षीय युवक प्रकाश परियार नदीमा बेपत्ता भएका हुन् ।

नारायणी नदी किनारको प्रदर्शनी मैदान नजीकैबाट दाउरा छोप्न जाने क्रममा नदीले बेपत्ता बनाएको वडा प्रहरी कार्यालय नारायणगढले जनाएको छ । प्रहरीका अनुसार आज दिउँसो साढे ४ बजेको समयमा नदीले बगाएर ल्याएको दाउरा छोप्न  जाँदा परियारलाई नदीले बेपत्ता बनाएको हो । परियारको खोजी जारी रहेको प्रहरीले जनाएको छ ।