काठमाडौँ २४ असार । गोल्ड मेडलिस्ट म्याराथन धावक नारायण श्रेष्ठ विश्वब्यापी माहमारीका रूपमा फैलिएको कोभिड १९ को बिचमा पनि राष्ट्रिय तथा अन्तर्राष्ट्रिय खेलाडीको बिशेष चासोको रुपमा रहेका छन् । धावक श्रेष्ठ मध्यपूर्वमा यतिखेर चर्चामा छन् । बाल्यकालदेखि नै दौडमा रुची भएका धावक नारायण श्रेष्ठ रोजगारीको शिलशिलामा केहि बर्षदेखि कुवेतमा कार्यरत छन् ।
प्रवाशमा काम गरेर बचेको समयमा बिदेशी प्रशिक्षकहरुसँग प्रशिक्षण लिएर उत्कृष्ट खेलाडी बन्न सफल भएका छन् । बिदेशी प्रशिक्षकहरुसँग करिब १४ महिना लामो प्रशिक्षण लिएका छन् । उनको म्याराथन प्रतिको रुची र लगाब देखेर बिदेशी प्रशिक्षकहरु समेत मन्त्रमुग्ध हुन्छन् । श्रेष्ठ कुवेत आएको २ बर्ष नबित्दै दर्जनौ प्रतियोगितामा सहभागिता जनाएर अधिकांश खेलमा उत्कृष्ट प्रदर्शन गरेका छन् । श्रेष्ठले म्याराथन प्रतियोगितामा नयाँ रेकर्ड राख्दै नेपाल र नेपालीलाई चिनाउन सफल भएका छन् ।
उनि भन्छन्, नैतिकता, इमानदारीता, लगनशीलता तथा कडा मेहेनतका साथमा खेल सम्बन्धी ज्ञान भएपछि सफलता निश्चित हुन्छ। च्याम्पियनहरु तबसम्म खेलिरहन्छ्न जबसम्म सफल हुन सकिन्न। हाम्रो सबैभन्दा ठुलो कम्मजोरी हो हार मान्ने, म पटक पटक असफल भइरहे, त्यसैले त अन्त्यमा सफल हुन सके ।श्रेष्ठले लकडाउनको समयमा पनि आफ्नो पुरानो वर्कआउटमा कुनै पनि कमि हुन दिएनन् । स्वास्थ प्रती बढी संबेदनशील भएर शरीर फिट राखेकाले गेममा पनि आफुलाइ त्यति ठुलो असर नपुग्ने बताउछन् ।
२०१८/२०१९ मा कृतीमानी रेकर्ड बनाउदै आफूले अन्तर्राष्ट्रिय खेलकुद क्षेत्रमा छोटो समयमा सफलता पाएको सम्झदै अन्तर्राष्ट्रिय क्षेत्रमा पाएको चर्चाले थप मनोबल बढेको बताउछन् ।श्रेष्ठले गत बर्ष नेपालका विभिन्न क्लबमा सहभागी भएर राष्ट्रिय खेलाडीको रूपमा परिचय बनाएका थिए । श्रेष्ठ गत बर्ष नै खेलकुद मन्त्रालय, श्रम तथा रोजगार मन्त्रालयबाट सम्मानित भएका थिए ।मध्यपुर्व र युरोपियन देशहरु बिच हुने खेलहरु लकडाउनका कारण स्थगित भएका छन् । उनको आगामी बर्ष सन २०२१ अन्तर्राष्ट्रिय क्षेत्रमा सहभागी हुने प्रबल सम्भावना छ।
हाम्रो संचार
प्रतिक्रिया