नहरमा डुबेर बालिका बेपत्ता

कंचपुर, २५ असार । कञ्चनपुरको भीमदत्त नगरपालिका–१३ का १४ वर्षीया बालिका नेहा सुनार बुधबार साँझ नहरमा डुबेर बेपत्ता भएकी छन् । नहरमा पौडी खेल्ने क्रममा नेहा डुबेर बेपत्ता भएकी हुन् । नहरमा पानीको बहाव उच्च हुँदा पौडिने क्रममै डुबेको स्थानीयले बताएका छन् ।

        जिल्ला प्रहरी कार्यालय कञ्चनपुरले बालिका नहरमा डुबेको जानकारी प्राप्त हुनासाथ प्रहरीको टोली खोजबिनका लागि खटाइएको जनाएको छ। नहरमा पानीको बहाव उच्च भएकाले खोजबिनका लागि गाह्रो भएको बताइएको छ । बालिकाको खोजीकार्य जारी रहे को प्रहरीले जनाएको छ ।