प्रहरी बीटवाट स्थायी चौकीमा रुपान्तरण

कपिलवस्तु २६असार ।कपिलबस्तुको बाणगंगा नगरपालिका वडा नं. ४ गजेहडामा स्थायी प्रहरी चौकीको उद्घाटन गरिएको छ । यस अघि  अस्थायी चौकीको मान्यता पाएकोमा हालै स्थायी चौकीमा रुपमा परिणत भएको हो ।एक कार्यक्रमका विच चौकीको उद्घाटन गरिएको हो । गजेहडा  क्षेत्रको शान्ति सुरक्षार्थ सो चौकीको हिजो  नगरपालिकाका उप मेयर चक्र अर्याल र इलाका प्रहरी कार्यालय पिपराका प्रहरी नीरिक्षक आयूष प्रसाद जोशीले उद्घाटन गर्नु भएको हो । सो अवसरमा बौल्दै प्रहरी निरिक्षक जोशीले प्रहरीले नागरिकको आवश्यकतानुसार आफ्नो जिम्मेवारीलाई बहन गर्ने र चौकीको आवश्यकतानुसार स्तर वृद्धि हुने जानकारी दिनुभयो । 

        उहाले गुणस्तरीय शान्ति सुरक्षा प्रदान गर्न प्रविधिमैत्री सुरक्षा योजना अपनाईने समेत बताउनुभयो  । यस्तै उपप्रमुख अर्यालले  स्थानीयवासीको माग र सुरक्षा संवेदनशीलताका आधारमा अस्थायी चौकी स्थापना गरिएको र अहिले स्थायी हुनु स्वभाविक भएको बताउनुभयो । स्थायी रुपमै चौकी उद्घाटन भएपछि स्थानीयबासी  सहज रुपमा सुरक्षाको महसुस गर्न पाइने भन्दै खुसी भएका छन् ।