ट्र्याकटर सहित ३ चोर गोरुसिङ्गे प्रहरीको नियन्त्रण

कपिलवस्तु २८ असार । रुपन्देहीको मायादेवी गाउँपालिका छपियाबाट चोरी भएको ट्र्याकटर ईप्रका गोरुसिङ्गेले समाएको छ । शनिवार राती १० बजे बुद्धभुमी २ बक्डरीयाबाट ३ जना चोर सहित लु २ त ७७१५ नम्बरको ट्र्याकटर नियन्त्रण लिएको छ । सिद्धार्थनगर नगरपालिका ८ का राम विलास यादवको ट्र्याकटर नियन्त्रण लिन प्रहरीलाई करिब आधा घण्टा लागेको थियो ।

प्रहरीको जिप र मोटरसाइकलले पच्छाउँदै गर्दा नालीमा ट्र्याकटर फसे पछि नियन्त्रण लिन सफल भएको थियो । ‘ट्र्याकटर चोरी भएको खबर सुने पछि हामीले गस्ती बढाएका थियौँ । गस्ती देखे पछि चोरले राजमार्गबाट भित्री सडक तर्फ ट्र्याकटर लगेको देखे पछि पच्छाएका थियौँ । रुपन्देहीको मायादेवी गाउँपालिका २ बस्ने अकलेस भुज, पवन कुमार नाउ र रवि ठाकुरलाई समेत पक्राउ गरिएको छ । ’ इलाका प्रहरी कार्यालय गोरुसिङ्गेका प्रहरी निरीक्षक कृष्ण बहादुर रानाले भने । ३ जना चोर मध्ये १ जना लाई स्थानीयको सहयोगमा पक्राउ गरिएको थियो ।