बुटवल, ३० असार । पहिरोले सिद्धार्थ राजमार्गको बुटवल–पाल्पा सडकखण्ड अवरुद्ध भएको छ । पाल्पाको तिनाउ गाउँपालिका–३ दोभान प्रहरी चौकी नजिकै खसेको पहिरोले सडक अवरुद्ध भएको छ । सडक अबरुद्ध हुँदा सयौं सवारी साधन बीच बाटोमै रोकिएका छन् ।
पहिरोसँगै ठूला–ठूला ढुंगा खसेकाले सोमबार साँझदेखि सवारी साधन आवतजावत रोकिएको प्रदेश ५ ट्राफिक प्रहरी कार्यालय बुटवलले जनाएको छ । वर्षा भइराखेकोले मंगलबार बिहानसम्म पहिरो हटाउन नसकिएको प्रदेश ट्राफिक प्रहरी कार्यालयले जनाएको छ । सडक खुलाउन अझै केही घण्टा लाग्ने बताइएको छ ।
प्रतिक्रिया