प्युठानमा फेरि शत्रुजीव सलह, किसानले टिन र थाल ठटाएर भगाउँदै

प्यूठान, ३० असार । प्यूठानका गाउँगाउँमा फेरि शत्रुजीव सलह भित्रिएको छ । सोमबार बिहानदेखि जिल्लाका प्रायः सबैजसो क्षेत्रमा फैलिएको सलह मकैबालीमा छिरेपछि किसानले टिन र थाल ठटाउँदै सलह भगाउन थालेका छन् ।

       लाखौँको सङ्ख्यामा भएकाले भगाउन नसकिएको प्युठानका किसानहरु बताउँछन् ।  किसानले धुवाँ बाल्ने, टिन, थाल, जर्किनलगायतका स्थानीय सामग्री ठटाउँदै सलह भगाउन खोज्दा पनि नभागेपछि किसान थप चिन्तित बनेका छन् ।