खोलामा डुबेर कपिलवस्तुमा महिलाको मृत्यु

कपिलवस्तु, ३ साउन ।  कपिलवस्तुमा  खोलामा डुबेर एक महिलाको मृत्यु भएको छ ।  ५८ वर्षकी बेली भुसालको खोलामा डुबेर मृत्यु भएको इलाका प्रहरी कार्यालय पिपराले जनाएको छ ।

        कपिलवस्तु बाणगंगा–३ चम्कीपुरमा  खोलामा डुबेर जीवलाल भुसालकी श्रीमती बेली भुसालको  मृत्यु भएको स्थानीयले बताएका छन् । मृतक भुसालको शव पोष्टमार्टमका लागि जिल्ला अस्पताल तौलिहवा लैजाने बताइएको छ ।