नदीजन्य पदार्थ ढुवानी गर्दा सडक बिग्रियो ।

कपिलवस्तु
५ असार २०७७
कपिलवस्तुको बुद्धभुमी नगरपालिका ३ को झिँगे खोलाबाट नदीजन्य पदार्थ निकासी गर्दा सडकको अवस्था दयनीय वनेको छ । वडा नं. ४ गेलवारको कालो पत्रे गरेको सडक समेत बिग्रिएको छ । काले पत्रे भएको सडकका दर्जनौँ स्थानमा भासिएको छ । धेरै ठाउँमा कालोपत्रे उक्किएर हिलो र खाल्टो परेको छ । रनगाई देखी टाकु बोक्टापुर खण्डको ग्राभेल सडक हिलाम्य बनेको छ ।

असारको अन्त्य तिर ओभर लोड गरी टिप्पर चल्दा सडक बिग्रिएको थियो । लगातारको वर्षामा टिप्पर चलेपछि स्थानीयले सास्ती खेप्नु परेको छ । वडा नं. ३ टाँकु तथा रनगाईका जनतालाई अहिले बाटोमा यात्रा गर्न अप्ठेरो परेको छ । स्थानीय नारायण वेल्वासेका अनुसार पैदल, मोटरसाइकल र साइकलमा यात्रा गर्न गारो भएको छ । बाटोमा ठुला ठुला खाल्टा परेका छन् । पानी जमेर हिलो भएको छ । बाटो चिप्लो भएर हिँडडुल गर्न समेत गारो छ ।
टिप्परले सडकमा क्षति पुराउँदा स्थानीय सरकारले चासो नलिँदा जनताले दुखेसो पोखेका छन् । सामाजिक सञ्जालमा पटक पटक सडकको विषयमा उठान समेत भएको थियो । स्थानीयले सामाजिक सञ्जालमा आक्रोश पोखे पनि सरोकारवाला निकायमा पहल भने गरेका थिएनन् ।