लाटोसाथी स्मृति प्रतिष्ठान गठन , आत्रेयको योगदान अविस्मरणीय

कपिलवस्तु १९ साउन । कपिलवस्तुमा लाटो साथी स्मृती प्रतिष्ठान गठन गरिएको छ । संस्कृत व्याकरणका विद्वान् एवं साहित्यकार प्राध्यापक डा विष्णुराज आत्रेय ‘लाटो साथी’को स्मृतीमा एघार सदस्यीय प्रतिष्ठान गठन गरिएको हो । जसको अध्यक्षमा विष्णु प्रसाद भण्डारी रहनु भएको छ । यस्तै उपाध्यक्षमा कृष्णप्रसाद भट्राई, सचिवमा पोमनारायण पौडेल, सहसचिवमा पशुपती मणी त्रिपाठी र कोषाध्यक्षमा विष्णुवहादुर रायमाझी रहनु भएको छ ।

        प्रतिष्ठानले संस्कृत व्याकरणका विद्वान् एवं साहित्यकार आत्रेयले खेलेको भुमिकाका अविस्मरणीय बनाउने भूमिका खेल्ने जनाईएको छ । गठित समितिको सदस्यमा मोहन ज्ञवाली, धुव्र वेल्वासे, रामप्रसाद भुसाल, कृष्णमुरारी ज्ञवाली र गिता अन्जान रहनु भएको छ । विक्रम सम्वत २००३ साल पुस २५ गते जन्मनुभएका संस्कृत व्याकरणका विद्वान् एवं साहित्यकार प्रा.डा. विष्णुराज आत्रेय ‘लाटो साथी’को ७४ वर्षको उमेरमा साउन ३ गते निधन भएको थियो ।