मझौला माछा जालमा :राजश्व अनुसन्धानका हाकीम रंगेहात पक्राउ

रुपन्देही २० साउन । अख्तियारले ठूला माछा जालमा पार्दैन केवल साना माछामात्र पक्रन्छ भन्ने आरोप लागेका बखत आज मझौला माछालाई जालमा फसाएकोछ । घुस लिदालिदै रंगेहात  राजस्व अनुसन्धान कार्यालय बुटवलका प्रमुख कार्यालय नजिकै नयाँ गाउँबाट अख्तियारको नियन्त्रणमा परेका हुन् ।अख्तियार दुरुपयोग अनुसन्धान आयोग बुटवल कार्यालयको टोलिले राजस्व अनुसन्धान कार्यालय प्रमुख बिजय राना लाई नियन्त्रणमा लिएको हो ।

        चिनी ब्यवसायी अनिल कुमार झा संग घुस लिदै गर्दा उनलाई नियन्त्रणमा लिईएको अख्तियार श्रोतले जनाएको छ । रानाको साथ बाट घुस लिए बापतको दुई लाख रुपैयाँ नगद बरामद गरेको अख्तियार श्रोतले  जनाएको छ । रानालाई नियन्त्रणमा लिईएको अख्तियार बुटवल कार्यालय प्रमुख डा भिष्मराज भुषालले पुष्टि गर्नु भयो । अख्तियारले पटक पटक रंगेहात पक्राउ गरेपनि घुसलिने क्रम भने बढेरै गएको छ ।