कोरोना उपचरमा नयाँ आयाम : बुटवलमा आइपुग्यो सिस्टर रोवोट

बुटवल २२साउन । लुम्बिनी प्रादेशिक अस्पतालले सञ्चालन गरेको बुटवलको कोरोना विशेष अस्पतालका बिरामीलाई औषधि पु¥याउन ‘सिस्टर रोबोट’ प्रयोग गरिने भएको छ । यूएनडीपीले बुधबार अस्पताललाई रोबोट उपलब्ध गराएको हो । यूएनडीपीका प्रदेश संयोजक सुदीप अर्याल र प्रदेशको सामाजिक विकास मन्त्रालयका सचिव कृष्ण खनालले अस्पतालका कोरोना फोकल पर्सन डा. सुदर्शन थापालाई रोबोट हस्तान्तरण गर्नु भएको छ । 

        संक्रमितसँग हेलमेल भइ राख्नुपर्ने नर्सलगायत स्वास्थ्यकर्मीलाई संक्रमणबाट जोगाउन रोबोट उपलब्ध गराइएको यूएनडीपीका प्रदेश संयोजक सुदीप अर्यालले वताउनु भयो । २ लाख लागतको रोबोट रोबिक एसोसिएसन नेपालले तयार गरेको हो । बिरामीलाई नर्सले जस्तै हेरचाह गर्ने भएकाले यसको नाम ‘सिस्टर रोबोट’ राखिएको हो ।