प्रहरी प्रधान कार्यालयका थप १० जनामा कोरोना भाइरसको सङ्क्रमण पुष्टि

काठमाण्डौ २२ साउन ।  प्रहरी प्रधान कार्यालय नक्सालका थप १० जनामा कोरोना भाइरसको सङ्क्रमण पुष्टि भएको छ । आज थप १० जनामा सङ्क्रमण पुष्टि भएको प्रहरी प्रवक्ता एसएसपी कुँवेर कडायतले जानकारी दिनुभयो । योसँगै प्रहरी प्रधान कार्यालयका ८५ जना प्रहरीमा कोरोना पुष्टि भएको छ ।प्रहरी प्रवक्ता कडायतले सङ्क्रमण देखिएपछि कन्ट्याक्ट ट्रेसिङ भइरहेको जानकारी दिनुभयो । नेपालमा अहिले कोरोना सङ्क्रमित २ सय जना प्रहरीको विभिन्न अस्पतालमा उपचार भइरहेको छ भने ११९ जना प्रहरीले कोरोनालाई जितेका छन्