ब्याक गरेरै किच्यो टिप्परले ,माडीमा बेपत्ताको शव फेला

अर्घाखाँची ३२ साउन  ।गोरूसिङगे सन्धिखर्क सडकखण्डको शितगंगा नगरपालीका वडा नं २ राजुबास झोलुङ्गे पुल नजिकै टिप्परले मोटरसाइकललाई ठक्कर दिदा अर्घाखाँची सन्धिखर्क ७ का ३ बर्षिय अभिषेक थापाको मृत्यु भएको छ । गोरूसिङगेबाट बालुवा बोकेर नरपानी तर्फ जाँदै गरेको ना ८ ख ६६९८ नम्बरको टिप्परले लु ३२ प २३९१ नम्बरको मोटरसाइकललाई ठक्कर दिदा बालकको मृत्यु भएको ईलाका प्रहरी कार्यालय ठाडाका प्रअरी निरिक्षक बाबुराम बस्नेतले जानकारी दिनु भयो । ठक्करवाट मोटरसाइकलमा सवार साना दुई बच्चा सहित ४ जना रहेको र अन्य ३ जना घाईते भएको प्रहरीले जनाएको छ । सडकमा खसेका वालक सामान्य घाइते थिए तर टिप्पर ब्याक गरेरै किचेरै मारेको प्रत्यक्षदर्शी वताउछन् ।

        यता प्युठानका माडीखोलामा खस्दा बेपत्ता भएका दुई बालकमध्ये एकको शव फेला परेको छ । गत साउन २४ गते साइकलसँगै माडीखोलामा खसेर बेपत्ता भएका स्वर्गद्वारी नगरपालिका–७ सोत्रे निवासी १० वर्षीय विपीन गौतमको शव आज बिहान फेला परेको हो । शव प्युठान नगरपालिका–१ को झिम्टीबगरस्थित माडीखोलाको किनारमा फेला परेको जिल्ला प्रहरी कार्यालयका सूचना अधिकारी प्रहरी निरीक्षक विष्णुप्रसाद पौडेलले जानकारी दिनुभयो । सोही ठाउँका ११ वर्षीय बालक सञ्जोक पार्धे भने अझै फेला परेका छैन् ।