रुपन्देहीमा क्वीक रेष्पोन्स टिम सकृय,लक्षण देखापरेका संक्रमितको उद्धार र उपचारमा सघाउने

भैरहवा १ भदौ । रुपन्देहीमा  कोरोनाको जोखिम बढेसंगै  प्रशासनको अगुवाइमा  क्विक रेस्पोन्स टिम गठन भएको छ ।पछिल्लो समय कोरोनाका संक्रमितको संख्या ह्वात्तै बढेपछि रुपन्देही जिल्ला प्रशासनको अगुवाइमा बसेको जिल्ला बिपद ब्यवस्थापन समितिकोे बैठकले यस्तो टिम गठन गरेको हो  ।

    जिल्लामा प्रमुख जिल्ला अधिकारीको नेतृत्वमा र स्थानीय तहमा बिपद हेर्ने फोकल पर्सनको संयोजकत्वमा सुरक्षा निकायका प्रमुख सहितको क्विक रेस्पोन्स टिम गठन गरिएको जिल्ला प्रशासन कार्यालयका प्रमुख प्रशासकीय अधिकृत जनक थापाले जानकारी दिनु भयो ।उक्त रेस्पोन्स टिमले कोरोनाका संक्रमितको उपचार र उद्धारका काममा चुस्तता दिने अनुगमन तथा सहजीकरण गर्नेछ । यस अघि प्रदेश स्तरमा पनि यस्तै टिम गठन भई कृयासिल रहेको छ ।