गृहमन्त्रीको स्कर्टिङमा हिडेको अगुवा गाडीले स्कुटरलाई ठक्कर दिदाँ दुईजना घाईते ,

काठमाडौँ २ भदौँ । गृहमन्त्री रामबहादुर थापालाई लिन हिँडेको स्कर्टिङको अगुवा गाडीले स्कुटरलाई ठक्कर दिएको छ ।  बा ९४ प १०२५ स्कुटरमा नुवाकोटकी २३ वर्षीया लीला थापा र २७ वर्षीया सुजा थापा थिए। ठक्करबाट दुबै जना घाईते भएका छन् । दुबै जनालाई उपचारका लागि वीर अस्पतालको ट्रमा सेन्टर लगिएको छ। गृहमन्त्रीलाई स्कर्टिङमा लिन हिँडेको नेपाल प्रहरीको बा १ झ ५५९४ नम्बरको जीपले  सिंहदरबारको पश्चिम गेटनजिक स्कुटरलाई ठक्कर दिएको थियो ।मंगलबार बिहान साढे ९ बजे गृहमन्त्रीलाई लिन सिंहदरबारबाट स्कर्टिङ टोली निवासतर्फ लागेको थियो। सोही क्रममा पश्चिम गेटनजिक अगुवा जीपले ठक्कर दिएको महानगरीय ट्राफिक महाशाखाले जनाएको छ। ठक्कर दिने जीप सिंहदरबार प्रहरी वृत्तमा राखिएको छ।