संक्रमित अभियुक्त आइसोलेसन सेन्टरबाट फरार

 बाँके ८ भदौ। जिल्ला प्रहरी कार्यालय बाँकेले लागूऔषधसहित पक्राउ गरेका एक व्यक्ति आइसोलेसन सेन्टरबाट फरार भएका छन् । लागूऔषध मुद्दामा पक्राउ परेका उनमा कोरोना संक्रमण पुष्टि भएपछि  आइसोलेसनमा राखिएको थियो।बाँके प्रहरी प्रमुख एसपी ओमबहादुर रानाले खजुरास्थित कृषि तालिम केन्द्रमा रहेको आइसोलेसन सेन्टरबाट थुनुवा भागेको पुष्टि गरेका छन् । उनको खोजीमा प्रहरी टोली परिचालित भइसकेको छ ।चार दिन अघि उनलाई केन्द्रको आइसोलेसनमा पठाइएको थियो । संक्रमित व्यक्ति भागेपछि आइसोलेसनको सुरक्षार्थ खटिएका प्रहरी अधिकारीमाथि पनि छानविन थालिएको छ ।