कोरोना संक्रमणबाट वीरगञ्जमा थप दुई जनाको मृत्यु , संख्या ४४ पुग्यो

 वीरगञ्ज ११ कोरोना संक्रमणबाट वीरगञ्जमा थप दुई जनाको मृत्यु भएको छ । पर्साको धोविनी गाउँपालिका–३ का ७२ वर्षीय पुरुष र बाराको सुवर्ण गाउँपालिका–४ हर्दिया बस्ने २३ वर्षीया महिलाको मृत्यु भएको हो । योसँगै वीरगञ्जमा कोरोना संक्रमणबाट मृत्यु हुनेको संख्या ४४ पुगेको छ । ७२ वर्षीय पुरुषमा निमोनिया समेत  थियो। रिपोर्ट पोजेटिभ आएपछि उनलाई गण्डक कोभिड अस्पतालमा सार्न खोजिएको थियो ।उनको उपचारका क्रममा भदौ १० गते साँझ  निधन भएको हो ।

             उपचारमा संलग्न चिकित्सकका अनुसार कोभिड संक्रमण पुष्टि भएपछि आफन्तले उनलाई अस्पतालमै छोडेर गए ।हर्दियाकी २३ वर्षीया संक्रमित महिलाको पेटमा ३३ हप्ताको बच्चा पेटमा थियो । भदौ ८ गते नारायणी अस्पतालमा भर्ना भएकी उनलाई सास फेर्न गाह्रो भएपछि भेन्टिलेटरमा राखिएको थियो । २४ घण्टा भेन्टिलेटरमा राख्दा पनि स्वास्थ्यमा कुनै सुधार नभएपछि उपचारकै क्रममा  बिहीबार बिहान ६ बजे  मृत्यु भएको हो । भदौ ।