बुटवल स्थित कोरोना विशेष अस्पतालमा एक सङ्क्रमित पुरुषको मृत्यु

बुटवल १२ भदौँ । बुटवल स्थित कोरोना विशेष अस्पतालमा एक  सङ्क्रमित पुरुषको ज्यान गएको छ । रुपन्देहीको तिलोत्तमा नगरपालिका वडा नम्बर ८ का ६० वर्षीय पुरुषको गएराति ज्यान गएको हो । भेन्टिलेटरमा उपचाररत उनलाई गत ७ गते भर्ना गरिएको  थियो ।उनमा श्वासप्रश्वास र उच्च रक्तचापको समस्या रहेको अस्पतालका फोकल पर्सन डाक्टर सुदर्शन थापाले जानकारी दिनुभयो ।