भारतमा एकैदिन ७७ हजार बढि नयाँ सङ्क्रमित थपिए,

काठमाण्डौ १२ भदौँ । भारतमा दिनप्रतिदिन सङ्क्रमण बढ्दो छ । शुक्रबार मात्रै  ७७ हजार दुई सय ६६ जना नयाँ सङ्क्रमित थपिएका छन्  ।  अहिलेसम्म ३० लाख ३९ हजार जनामा कोरोना भाइरसको सङ्क्रमण पुष्टि भएको त्यहाँको स्वास्थ्य मन्त्रालयले जनाएको छ  । तर वर्ल्डोमिटरले भने भारतमा अहिलेसम्म ३३ लाखभन्दा धेरैलाई सङ्क्रमण भएको जनाएको छ । यस्तै भारतमा शुक्रबार मात्रै १ हजार ५७ जनाको कोरोना भाइरसको सङ्क्रमणका कारण ज्यान गएको छ । भारतमा कोरोनाका कारण अहिलेसम्म ६१ हजार सात सयभन्दा धेरैको ज्यान गएको छ भने सङ्क्रमितमध्ये २५ लाख ८५ हजारभन्दा धेरै निको भएर घर फर्किएका छन् ।  अझै सात लाख ४५ हजारभन्दा धेरै सक्रिय सङ्क्रमित रहेका छन् ।