कपिलवस्तुकी भाइरल जियालाई अफरको ओइरो: निर्णय लिन गाह्रो

कपिलवस्तु, १५ भदौ । कपिलवस्तुकी ६ वर्षिया बालिका जिया भुसाललाई अहिले अफरको ओइरो लाग्न सुरु भएको छ । जियाकी आमाले छोरीलाई पढाउन जिम्मा लिने देखी गित गाउन र म्युजिक भिडियो खेल्न अफर समेत आउन लागेको बताउनु भयो । अहिले सम्म आएका अफर भने स्विकार भएको छैन् । पढाउनका लागी भन्दै काठमाण्डौ बुटवल, पोखराका बिद्यालयबाट फोन आइरहेको छ । स्थानियले समेत पढाउनका लागी अभर गरिरहेका छन् । प्रदेश सभा सदस्य विष्णु पन्थीले समेत जिम्मा लिने बताउनु भएको छ ।

    अहिले सम्म मैले निर्णय लिएको छैन । जिया भुसालकी मम्मीले वताउनु भयो । युट्युवमा राखिएको वालिकाको प्रतिभा हेरेर केहीले आर्थिक सहयोग गर्ने बाचा समेत गरेका छन । सम्मान इन्टरटेनमेन्ट नामक स्टुडियो संचालन गरेका गायक सशान कंडेलले जियाको बारेमा गित गाउन लगाएर म्युजिक भिडियोमा समेत खेलाउने बाचा गरेका छन् । कंडेलले गितका लागी आउने खर्च सवै आफै तिर्ने समेत बताएका छन् । यता जियालाई भेटनको लागी ईन्द्रेणी टिम र समिक्षा अधिकारीले समेत चासो दिएका छन् । ईन्द्रेणी टिमले पश्चिम तिरबाट सुटिंग सकेर भेटन आउने जानकारी दिएको आमाले बताउनु भयो । आभिरल फिल्मस संचालन तथा फिल्म डाईरेक्टर विष्णु भट्टराईले पहिलो पटक जियाको भिडियो युट्युवमा राखेका थिए । छ महिना अघि बुद्धआवाज रेडियो र प्रेसपाटी अनलाइनमा सुनिता बेलवासेले लेखेको पहिलो समाचारपछि यूटयूवरहरु उनका पछि लागेका थिए । । शनिवार सम्म जियाको विषयमा ५३ वटा भिडियो युट्युवमा पोष्ट भएको छ । केही च्यानलमा ८ लाख भन्दा माथी भ्यु समेत पुगेको जनाईएको छ ।