भीम अस्पतालमा आईसियू सेवा शुरु ,जनशक्तिको ब्यवस्थापन आन्तरीक श्रोतवाट

भैरहवा १५ भदौ । रुपन्देहीको भैरहवास्थित भीम अस्पतालमा आइसीयू सञ्चालनमा आएको छ। सोमबारदेखि अस्पतालमा सिकिस्त भएका कोरोना संक्रमितको उपचारका लागि  ५ वटा बेडसहितको आइसीयू सञ्चालनमा आएको अस्पतालका सूचना अधिकारी नारायण पोखरेलले जानकारी दिनु भएकोछ ।उहाका अनुसार आइसीयूमा ४ जना भर्ना भइसकेका छन्। जसमध्ये बुटवल ६ का ३ जना हुन् भने धकधईका १ जना हुन्। अस्पतालले आइसीयू बेड सञ्चालनमा ल्याएपनि जनशक्ति भने अभाव छ। युनिभर्सल मेडिकल कलेजको सहयोगमा बिरामीलाई बेहोस बनाउने एनेस्थेसिया आएपनि कन्सल्ट्यान्ट फिजिसियन, मेडिकल अफिसर र नर्सिङका कर्मचारी अभाव छन्।  तत्कालका लागि अस्पतालले आन्तरिक जनशक्ति व्यवस्थापन गरेर आइसीयू सञ्चालन गर्ने पोखरेलले जनाउनु भयो ।