बाघको आक्रमण परी हराएका बालक मृत फेला

दाङ  १८ भदौ। बर्दियामा बाघकोे आक्रमणमा परी एक बालकको मृत्यु भएको छ । बाघको आक्रणमा परी राजापुर नगरपालिका वडा नम्बर ६ का वर्ष १३ का विशाल वलीको मृत्यु भएको प्रहरीले जनाएको छ ।इलाका प्रहरी कार्यालय ढोढरीका इन्स्पेक्टर उदयभाव द्विवेदीका अनुसार मृतक वली र उनका अन्य २ जना साथी आजभन्दा तीन दिन अघि मंगतलबार गरुवा खोलामा माछा मार्न गएका थिए । सोही दिन घर फर्कने क्रममा बाघले वलीलाई आक्रमण गरेको थियो । अन्य दुई जना साथी भने भागेर घर फर्किएका थिए ।

           मंगलबार बाघको आक्रमण परी हराएका  वलीको आज मात्र शव फेला परेको इन्स्पेक्टर द्विवेदीले बताउनुभयो । भागेर घर आएका ति अन्य दुई जना साथीले बाघले साथीलाई आक्रमण गरेर लगेको बताएपछि हिजोदेखि मृतक वलीको खोजतलास गरिएको थियो । मृतक वलीको टाउकोमो गहिरो चोट देखिएको र अन्य भागमा भने कमिला लागिसकेको उहाँले बताउनुभयो । अहिले शब पोष्टमार्टमका लागि जिल्ला अस्पताल गुलरीमा लगिएको छ । मृतक वली एक वर्षदेखि मुधबन नगरपालिका वडा नम्बर ३ मा आफ्नो फुपुको घरमा बस्दै आएका थिए ।