उत्साहजनक नतिजा :संक्रमण हुने भन्दा दोब्बर निको हुदै

काठमाडौ २१ भदौ । नेपालको पछिल्लो बिबरणका अनुसार संक्रमण हुने भन्दा निको हुने दोब्बर हुदै गएका छन् । आइतबार मात्रै १,८१४जना डिष्चार्ज भएका छन् । यो संगै नेपालमा कोरोना निको भएर निको हुनेको संख्या २८हजार ९४१ पुगेको छ । आइतबार थप ९८० जनामा कोरोना पुष्टि भएको छ । देशका बिभिन्न स्थानमा गरिएको परिक्षणका क्रममा महिला २९० र पुरुष ६९० गरि थप ९८० जनामा कोरोना पुष्टि स्वासथ्य मन्त्रालयका प्रवक्ता डा जागेश्वर गौतमले जानकारी दिनुभयो ।

        आइतबार उपत्यकामा थप ३५४ जनामा कोरोना पुष्टि भएको छ, जसअनुसार काठमाडौंमा २९० , भक्तपुरमा ३२ र ललितपुरमा ३२ जना रहेका छन् । त्यस्तै त्यस्तै नेपालमा कोरोनाका कारण थप ९ जनाको मृत्यु भएको छ । मृत्यु हुनेमा मोरङ र झापाका एक एक महिला , काठमाडौंका तीन पुरुष तथा मोरङ, पर्सा, धनुषा र चितवनका एक एक पुरुष रहेको प्रवक्ता गौतमले जानकारी दिनुभयो ।

        हाल सक्रिय संक्रमितको संख्या १७हजार २७ जना रहेका छन् भने क्वारेन्टाइनमा ४हजार ७०३ जना छन् । यसैबिच अब सरकारी प्रयोग शालाहरुले पनि सःशुल्क कोरोना परीक्षण गर्न पाउने भएका छन् । स्वास्थ्य तथा जनसंख्या मन्त्रालयले सबै सरकारी ल्याबले सरकारी मापदण्डमा नपरेकाहरुसँग शुल्क लिएर परीक्षण गर्न पाउने निर्णय गरेको हो । दैनिक परीक्षण गर्ने नमुनाको ५० प्रतिशतसम्म सःशुल्क समावेश गर्न पाइने मन्त्रालयले जनाएको छ । सरकारले सःशुल्क परीक्षणमा ४ हजार रुपैयाँसम्म लिन पाउने भनेर यसअघि नै तोकेको छ । तर केही सरकारी ल्याबले २ हजार २०० रुपैयाँ परीक्षण शुल्क तोकेका छन् ।