लकडाउन:निजी सवारी जोर बिजोर ,सार्वजनिक सवारी पूर्ण रुपमा बन्द

कपिलवस्तु २२ भदौँ । कपिलवस्तुमा जारी लकडाउन भोलीबाट  खुकुलो हुनेभएको  छ ।  समुदाय स्तरमा कोरोना संक्रमण फैलिएपछि थप भएको लकडाउनको मिति आज राति सकिने छ  ।जिल्ला कोरोना संकट ब्यवस्थापन समितीको आज बसेको बैठकले होटल, चियापसल बाहेकका सबै पसलहरु खोल्ने निर्णय गरेको छ  ।यसअघि जिल्लाका सबै पसल तथा बजारहरु बन्द रहेपनि भोलिबाट बिहान ८ बजेदेखि दिउँसो १ बजेसम्म सम्पूर्ण बजारहरु खुल्ला रहने छन् । निजी सवारी साधन जोर बिजोरमा चल्ने छन भने सार्वजनिक सवारी साधन भने पूर्ण रुपमा बन्द रहने छन् ।