१ हजार दुई सय ४६ जनामा कोरोना भाइरसको सङ्क्रमण पुष्टि

काठमाण्डौ १ असोज । पछिल्लो २४ घण्टामा एक हजार दुई सय ४६ जनामा कोरोना भाइरसको सङ्क्रमण पुष्टि भएको  छ ।१० हजार ६ सय ४१ जनाको पीसीआर परीक्षण गर्दा एक हजार दुई सय ४६ जनामा सङ्क्रमण देखिएको हो । गएको २४ घण्टामा एक हजार दुई सय ४३ निको भएर फर्किएसँगै डिस्चार्ज हुनेको सङ्ख्या ४२ हजार नौ सय ४९ पुगेको छ । अब नेपालमा १६ हजार दुई सय ४१ जना सक्रिय सङ्क्रमित आइसोलेशनमा रहेका छन् । सक्रिय सङ्क्रमितमध्ये आईसीयूमा एक सय ८२ जना र भेन्टिलेटरमा ३९ जना रहेका छन् । यस्तै सात हजार आठ सय ८३ जना क्वरेण्टीनमा रहेको मन्त्रालयले जनाएको छ । यस्तै गएको २४ घण्टामा चार जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या तीन सय ८३ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।