आज २ हजार २० जनामा कोरोना भाइरसको सङ्क्रमण पुष्टि

काठमाण्डौ २ असोज । नेपालमा कोरोना भाइरसका सङ्क्रमितको सङ्ख्या दिनप्रतिदिन बढ्दै गएको छ । आज  २ हजार २० जनामा कोरोना भाइरसको सङ्क्रमण पुष्टि भए सगंैँ  संक्रमित संख्या ६१ हजार पाँच सय ९३ पुगेको स्वास्थ्य तथा जनसङ्ख्या मन्त्रालयले जनाएको छ । । गएको २४ घण्टामा ११ हजार चार सय ५८ जनाको पीसीआर परीक्षण गर्दा दुई हजार २० जनामा सङ्क्रमण देखिएको हो । गएको २४ घण्टामा ८ सय ७१ जना निको भएर फर्किएसँगै डिस्चार्ज हुनेको सङ्ख्या ४३ हजार आठ सय २० पुगेको छ । 

        अब नेपालमा १७ हजार तीन सय ८३ जना सक्रिय सङ्क्रमित आइसोलेशनमा रहेका छन् । यस्तै सात हजार सात सय ३६ जना क्वरेण्टीनमा रहेको मन्त्रालयले जनाएको छ । यस्तै गएको २४ घण्टामा सात जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या तीन सय ९० पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।