कपिलवस्तु भदौ
४
कपिलवस्तुको बुद्धभुमी नगरपालिका ९ चम्पापुरमा बसको ठक्करबाट १ जनाको
मृत्यु भएको छ । शनिवार राती ९ः३० बजे ग १ ख ८९४७ नम्बरको यात्रु बाहक बसले
३२ वर्षका पैदल यात्रुलाई ठक्कर दिई घाइते बनाएको थियो । उपचारका क्रममा
जिल्ला अस्पताल तौलिहवामा आइतबार बिहान १० बजे मृत्यु भएको प्रहरीले जनाएको
छ । मृतक बाग्लुङ्गको गंगा जमुना गाउँपालिका १ घर भई हाल कपिलवस्तुको
विजयनगर गाउँपालिकामा बस्दै आएका फिरोन तामाङ रहेका छन् । उनी सशस्त्र
प्रहरीको जागिर वाट राजीनामा दिई रुपन्देहीको एक बैकमा सुरक्षा गार्डको
रूपमा काम गर्दै आएका थिए ।यसै गरी बुद्धभुमी नगरपालिका वडा नं. ५ गुडरुगं
खोलाले बगाउँदा एक युवा बेपत्ता भएका छन् । बेपत्ता हुनेमा बुद्धभुमी
नगरपालिका वडा नं. ६ शिवपुराका वर्ष १९ का हमसद गद्दी रहेका छन् । उनी
शनिवार साँझ खोलामा बाढीले ल्याएको काठ दाउरा निकाल्न खोलामा पसेका थिए ।
दाउरा सङ्कलन गरेको बखतमा खोलाको सतह बढेपछि खोलाले बगाएको थियो ।
बेपत्ताको खोजीको लागी सशस्त्र प्रहरीको गोताखोर टिम परिचालन भएको इलाका
प्रहरी कार्यालय गोरुसिंगेका प्रहरी निरीक्षक कृष्ण रानामगरले बताउनु भयो ।
प्रतिक्रिया