बाढीले बिद्युत प्राधिकरणको जिप बगाउदा ३ जनाको बेपत्ता ।

कपिलवस्तु असोज ७

कपिलवस्तुको बाणगंगा नगरपालिकाको कोइली खोलामा आएको बाढीले बिद्युत प्राधिकरणको जिप बगाउदा ३ जना बेपत्ता भएका छन् । बेपत्ता हुनेमा बिद्युत प्राधिरकण जितपुर सव–स्टेशनका प्रमुख कृष्ण पौडेल, सवारी चालक माधव पाण्डे र एक स्थानिय रहेका छन् । 

जिपमा ४ जना कर्मचारी र २ जना सर्वसाधरण चढेका थिए । २ कर्मचारी र १ स्थानिय भाग्न सफल भएपनी ३ जना जिप संगै वगेका थिए । मोतिपुर नजिकैको कज–वेमा पार गर्ने क्रममा जिप बगाएको थियो । घटना स्थलमा अहिले सशस्त्र प्रहरी र नेपाल प्रहरी परीचालन भएको छ ।