कपिलवस्तु ४ कार्तिक ।बजार अनुगमन दोस्रो दिन मंगलबार बाणगंगा नगरपालिकाले अनुगमनका क्रममा ३ वटा एग्रोभेट पसल शिल गरेको छ । जसमा न्यू मौर्या एग्रोभेट बनगाई ,चैधारी एग्रोभेट बनगाई , नेशनल एग्रोभेट ओदारीलाई शिल गरिएको छ । सोमबार पहिलो दिन गुप्ता एग्रोभेट सेन्टर ओदारीलाई अनुगमन गर्ने क्रममा शिल गरिएको थियो । ति एग्रोभेट पसलहरु मपदण्ड विपरित रहेको , सहकारीलाई अनुमति प्राप्त मलखाद वितरण गरेको ,दर्ता नभएको लगाएतका कमीकमजोरी पाइएपछि १ हप्ताका लागि शिल गरिएको छ ।
यदि १ साताभित्र आफ्ना कमजोरी सुधार गरेको नपाईएका पसलहरु सञ्चालन गर्ने नदिने र आवश्यक कार्बाही गरिने अनुगमन टोलीले चेतावनी दिएको छ । यस्तै अनुगमनकै क्रममा स्वास्थ्य टोलीले मोतिपुरका २ मेडिकलमा मापदण्ड बिपरित ,कुनै दर्ता बिना नै सञ्चालन भएको पाईएपछि २ महिना भित्र दर्ता गरि सञ्चालन गर्न निर्देशन पत्र दिईएको छ । सोमबार देखी शुरु भएको बजार अनुगमनमा बाणगंगाले एकैसाथ ४ टोली परिचालित गरेर विभिन्न स्थानवाट बजार अनुगमन गरिरहेको छ ।
अनुगमनको दास्रो दिन बाणगंगाको ,पिपरा चारनम्बर ,बोडगाउँ ,बनगाई ,कोपवा , झण्डा ,मद्यौली ,बैदौली , भग्लापुर ,मोतिपुर ,ओदारी लगाएतका ठाउहरुमा अनुगमन गरिएको छ । मापदण्ड विपरीत संचालित पसलेहरुलाई निर्देशन पत्र र उपभोक्ताहरुको स्वास्थ्यलाई ख्याल नगरि नखान योग्य सामानहरु भेटिएका पसलहरुलाई शिल गर्ने क्रम जारी रहेको छ ।
अनुगमन पछि भेटिएका त्रुटीलाई नगरले पत्र मार्फत अव आइन्दा यस्तो भेटिएमा कारवाही हुने भनेर वार्निङ दिएको छ । चाडबर्पका समयमा हुन सक्ने कालोबजारी र मिसावटलाई रोक्न बाणगंगा नगरपालिकाले बजार अनुगमनलाई तिब्र बनाएको उपमेयर चक्रपाणी अर्यालले प्रेसपाटीलाई जानकारी दिनु भयो ।
प्रतिक्रिया