कमलको फूलले लियो २ यूवाको ज्यान,बेपत्ता बालकको शव फेला

कपिलवस्तु ९ कार्तिक । पोखरीमा डुबेर दुई जनाको मृत्यु भएको छ । शनिबार बिहान कमलको फूल टिप्न गएका महाराजगन्ज नगरपालिका–५ स्थित मतखनवा पोखरीमा डुब्नेमा सोही ठाउँ बस्ने ३२ वर्षीय अशोक पाठक र २६ वर्षीय करमहंस पाठक रहेको प्रहरीले जनाएको छ । उनीहरु पूजाका लागि फूल टिप्न पोखरीभित्र गएका थिए । युवाहरु डुबेको हल्ला भएपछि स्थानीयले प्रहरीलाई खबर गरेका थिए । प्रहरी घटनास्थलमा पुग्दा स्थानियले एक जनाको शव पोखरीबाट बाहिर निकालिसकेका थिए । हराइरहेका एक जनाको शव प्रहरीले निकालेको प्रहरीले जनाएकोछ 

   यसैविच शुक्रबार बुटवलबाट हराएका एक बालक शनिबार मृत भेटिएका छन् । बुटवल –८ दिपनगर बस्ने कृष्ण तिवारी र राधा तिवारीका १० वर्षिय छोरा निश्चल तिवारी शुक्रबार साँझदेखि सम्पर्कविहिन थिए । उनी शनिबार दिउँसो बुटवल–७ वन स्थित भित्र रहेको भनभने खोलामा मृत अवस्थामा भेटिएको जिल्ला प्रहरी कार्यालय रुपन्देहीका प्रहरी प्रवक्ता खडक बहादुर खत्रीले जानकारी गराउनु भयो ।