दशैको दिन दुर्घटना हुँदा कपिलवस्तुमा २ को मृत्यु ३ घाइते ।

कपिलवस्तु कार्तिक ११,

दशैको टिकाको दिन कपिलवस्तुमा छुट्टा छुट्टै दुर्घटना हुँदा २ जनाको मृत्यु भएको छ । सोमबार राती ८ बजे बुद्धभुमी २ गोरुसिंगेमा लु १ च ३८५२ नम्वरको कार रुखमा ठोकिदा स्थानीय वर्ष ३५ की खुस्वु पाखियाको घटना स्थलमा मृत्यु भएको जिल्ला ट्राफिक प्रहरी कार्यलय कपिलवस्तुले जनाएको छ । कारमा रहेका ईजहार पाखिया गम्भिर घाइते भई बुटवलमा उपचार भैरहेको छ । 

यसै गरी बाणगंगा नगरपालिका दरखास्तमा लु ४३ प ७०८६ नम्बरको मोटरसाईकल र लु ४४ प २०३३ को स्कुटी ठोकिदा बाणगंगा ८ बोडगाउका स्कुटर चालक कृष्ण थापाको मृत्यु भएको छ । घटनामा परि थापाको ५ वर्षको छोरा रिदम थापा र मोटरसाइकल चालक शिवराज १० बस्ने शिवदत्त मिश्रा घाइते भएको जिल्ला ट्राफिक प्रहरी कार्यालय कपिलवस्तुका प्रमुख प्रहरी निरीक्षक प्रकाश कार्कीले बताउनु भयो ।