बुधवार भेटिएका ब्रेडमा बिहिवारको उत्पादन मिती । अन्नपुर्ण बेकरीको बदमासी

कपिलवस्तु असोज २२

रुपन्देहीको भैरहवामा रहेको अन्नपुर्ण बेकरीले उत्पादन मितिमा बदमासी गरेको प्रमाण फेला परेको छ । जिल्ला प्रसाशन कार्यालय कपिलवस्तुले अनुगमन गर्ने क्रममा फेला पारेका ब्रेडमा उत्पादन मिति परिबर्तन गरेको फेला परेको छ । बुद्धभुमी नगरपालिका २ गोरुसिंगेमा किराना पसलमा बुधवार ( ७ अक्टोवर २०२०) अनुगमन गर्दा बिहिवार ( ८ अक्टोवर २०२०) उत्पादन मिति भएको फेला परेको थियो । 

केही ब्रेडमा एक महिना पछि ( नोबेम्वर २०२०) को उत्पादन मिति भएको समेत फेला परेको थियो सहायक प्रमुख जिल्ला अधिकारी गणेस नेपालीले बताएका छन् । अनुगमनका क्रममा फेला परेका ब्रेड अनुगमन टोलीले अनुसन्धानका लागी लगिएको छ । यता अन्नपुर्ण बेकरीमा फोन गर्दा कम्पनीले बदमासी नगरेको बताए । नया कर्मचारी भएको हुँदा त्रुटी हुन सक्छ तर जानी जानी नगरेको दावी गरे ।