एक लाख ५८ हजार नगदसहित चार जना जुवाडे पक्राउ

नवलपरासी २५ असोज । जुवातास खेल्दै गरेका चार जना  एक लाख ५८ हजार नगदसहित नवलपरासीमा पक्राउ परेका छन् । जिल्ला प्रहरी कार्यालय नवलपरासी (बर्दघाट सुस्तापूर्व) नवलपुरले मध्यबिन्दु नगरपालिका-२, कोल्हुवाको एक होटलबाट उनीहरुलाई पक्राउ गरेको हो ।पक्राउ पर्नेमा हेमकान्त चौधरी, बबरजंग चौधरी, विवेक थनेत र अरुण भण्डारी रहेका जिल्ला प्रहरी कार्यालय नवलपुरका प्रहरी नायब उपरीक्षक मोहनबहादुर खाँणले बताउनुभयो ।उनीहरुको साथबाट एक लाख ५८ हजार नगद बरामद गरिएको प्रहरी नायब उपरीक्षक खाँणले जानकारी दिनुभयो ।