बुटवल २९ असोज । प्रदेश राजधानीको विषयलाई लिएर विरोध प्रदर्शन गर्दै सरकारी स्कुटि जलाउने ४ जना युवालाई प्रहरीले पक्राउ गरी अनुसन्धान अघि बढाएको छ । रुपन्देहीको तिलोत्तमा नगरपालिकाको नाममा रहेको लु १ प २४७० नम्बरको स्कुटर जलाई अपराधिक उपद्रो गरेको अभियोगमा कारबाही अघि बढाइएको प्रहरीले जनाएको छ ।
पक्राउ पर्नेहरुमा बुटवल—११ बुद्धनगरका २५ वर्षिय भेषराज पोख्रेल, देविनगर बस्ने ३५ वर्षका रोशन थापा, तिलोत्तमा नगरपालिका २ बस्ने २८ वर्षिय सन्दिप पाण्डेय र गुल्मीको मालिका गाउँपालिका–८ घर भई बुटवलको लुम्बिनी वाणिज्य क्याम्पसमा पढ्ने ३० वर्षका सुरज क्षेत्री रहेको प्रहरीले जनाएको छ ।यसैबीच, प्रहरीको स्कुटर रोकी धाक धम्की दिने दुई जना युवालाई पक्राउ गरी प्रहरीले अनुसन्धान अगाडी बढाएको छ ।
यता सामाजिक सञ्जाल इमोमार्फत लट्रि पर्यो भनेर ठगी गर्ने तीन जनालाई प्रहरीले पक्राउ गरेको छ । दाङको लमही नगरपालिका ५ निवासी दुई जना महिलालाई इमोमार्फत चिठ्ठा प¥यो भनेर गठी गरेको आरोपमा प्रहरीले उनीहरुलाई पक्राउ गरेको हो ।पक्राउ पर्नेमा रौतहट जिल्ला दुर्गा भगवती गाउँपालिका–६ निवासी १८ बर्षीय सुमन झा, रौतहट जिल्ला गोनाही–६ निवासी ५० बर्षीय सोनालाल ठाकुर र पर्सा जिल्ला विरगंज महानगरपालिका १६ नगवा बस्ने १८ बर्षीय राजनारायण चौरसिया रहेको जिल्ला प्रहरी कार्यालय दाङका प्रहरी प्रमुख गणेश चन्दले जानकारी दिएका छन ।
प्रतिक्रिया