नेपालमा कोरोना सङ्क्रमितको सङ्ख्या १ लाख ३२ हजार दुई सय ४६ पुग्यो

काठमाण्डौ २ कार्तिक । आज २ हजार नौ सय ४२ जनामा कोरोना भाईरस सङ्क्रमण पुष्टि भएको छ । पछिल्लो २४ घण्टामा १४ हजार आठ सय ७५ जनाको नमुना परीक्षण गरिएको मन्त्रालयले जनाएको छ । त्यस्तै गएको २४ घण्टामा दुई हजार तीन सय २६ जना निको भएर फर्किएसँगै डिस्चार्ज हुनेको सङ्ख्या ९२ हजार एक सय ६६ पुगेको छ ।  अब नेपालमा ३९ हजार तीन सय ४१ जना सक्रिय सङ्क्रमित आइसोलेशनमा रहेका छन् । यस्तै चार हजार आठ सय ३१ जना क्वरेण्टीनमा रहेको मन्त्रालयले जनाएको छ । यस्तै गएको २४ घण्टामा १२ जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या सात सय ३९ पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।नेपालमा कोरोना भाइरसका सङ्क्रमितको सङ्ख्या १ लाख ३२ हजार दुई सय ४६ पुगेको छ ।