कपिलवस्तु १८ कार्तिक ।कपिलवस्तुमा सशस्त्र प्रहरीले प्रतिबन्धित लागूऔषध (ब्राउनसुगर) सहित एक जनालाई पक्राउ गरेको छ।सोमबार राती १० बजे नेपालतर्फ लागूऔषध छिराउँदै गर्दा यशोधरा गाउँपालिका ५ सुठौली नाकाबाट पक्राउ गरिएको हो। लागूऔषध सहित कपिलवस्तु नगरपालिका १० बस्ने वर्ष २३ को दीपु सिंह समातिएका हुन्।सिंहले १४ बटा पुरियामा पोको पारी लुकाएर ल्याउँदै गरेका थिए।
बरामद गरेको लागूऔषधको तौल ६१.१८ ग्राम रहेको प्रहरीले जानकारी दिएको छ।मोबाइल गस्ती टोलीले देखेपछि शङ्काको आधारमा चेकजाँच गर्दा ब्राउनसुगर फेला परेको सशस्त्र प्रहरी बल २८ नम्बर गणका प्रमुख सशस्त्र प्रहरी उपरीक्षक ध्रुवबहादुर कार्कीले बताए।पक्राउ परेका सिंहलाई अनुसन्धानका लागी जिल्ला प्रहरी कार्यालय कपिलवस्तुमा बुझाइएको छ। लकडाउन खुलेपछि कपिलवस्तुमा लागूऔषध तस्कर समेत सक्रिय हुन थालेका अवस्थमा नेपाल प्रहरी र शसस्त्र प्रहरीको फरक फरक गस्ती लागु औषध नियन्त्रण केन्द्रित हुदै आएको प्रहरी उपरीक्षक नवराज अधिकारीले वताउनु भयो ।
यता मंगलवार दिउँसो कपिलवस्तु प्रहरीले कर्तव्य ज्यान मुद्दाका एक फरार अभियुक्तसहित ६ जनालाई पक्राउ गरेको छ । कर्तव्य ज्यान मुद्धाका फरार प्रतिवादी कपिलवस्तु नगरपालिका ६ तिलौराकोट निवासी ४१ बर्षीय धर्मेन्द्र केवट लगायत ६ जनालाई पक्राउ गरिएको हो ।जिल्ला अदालत कविलवस्तुले २०७६ साल माघ २१ गते गरेको फैसाला अनुसार उनी लगायतलाई पक्राउ गरिएको त्यहाँका प्रहरी उपरिक्षक नवराज अधिकारीले वताउनु भयो ।
प्रतिक्रिया