गैंडाकोटका हराएका दुई दाजुभाइ मृत फेला

पूर्वी नवलपरासी २० कार्तिक ।पूर्वी नवलपरासीको गैंडाकोटका दुई दाजुभाइ मृत फेला परेका छन् । गत सोमबारदेखि हराइरहेका वडा नं २ का २६ वर्षीय विजयबाबु पौडेल र २१ वर्षीय संगम पौडेल मृत अवस्थामा भेटिएका हुन् ।पूर्वी नवलपरासीका प्रहरी उपरीक्षक प्रकाश मल्लका अनुसार गैंडाकोट नगरपालिका–३ स्थित जयश्री खोलाको बाँधमा एक जनाको पानीमा तैरिरहेको अवस्थामा र एक जनाको डुबिरहेको अवस्थामा बुधबार शव भेटिएको हो । घटनाको अनुसन्धान भइरहेको उनले बताए ।