दुई देशबीचको औपचारिक संवाद सुरु गर्न भारतसँग राष्ट्रपति भण्डारीको आग्रह

काठमाडौं २१ कार्तिक । राष्ट्रपति विद्यादेवी भण्डारीले लामो समयदेखि अवरुद्ध दुई देशबीचको औपचारिक संवाद सुरु गर्न भारतसँग आग्रह गर्नु भएको छ ।राष्ट्रपति भण्डारीले बिहीबार नेपाली सेनाको मानार्थ भारतीय स्थल सेनाध्यक्ष मनोजमुकुन्द नरवणेलाइ मानार्थ प्रदान गर्ने क्रममा उहाँले यस्तो सन्देश पठाउनु भएको हो  । नरवणेले पनि आफ्नो देशको राजनीतिक नेतृत्वसमक्ष सन्देश पुर्‍याउने बताउनु भयो ।राष्ट्रपति भण्डारीले बिहीबार नेपाली सेनाको मानार्थ महारथीबाट सुशोभित गरेलगत्तै नरवणेले उहाँसँग शीतलनिवासमा शिष्टाचार भेटवार्ता गर्नु भएको थियो  ।

     त्यसक्रममा राष्ट्रपति भण्डारीले नेपाल–भारत सम्बन्ध थप सुदृढ बनाउनुपर्ने, उच्चस्तरीय भ्रमण र संवाद निरन्तर हुनुपर्नेमा जोड दिनु भउको थियो । दुई देशबीच रोकिएको औपचारिक संवाद पनि चाँडै सुरु हुने विश्वास व्यक्त गर्नु भएको छ  ।राष्ट्रपतिका प्रेसविज्ञ टीका ढकालका अनुसार सम्बन्ध थप सुदृढ गर्नुपर्ने राष्ट्रपति भण्डारीको भनाइलाई समर्थन गर्दै भारतीय सेनाध्यक्ष नरवणेले यो सन्देश दिल्लीमा पुर्‍याउने जवाफ दिनु भएको थियो ।