गौतम विरुद्धको रिटमा सर्वोच्चमा सुनुवाई हुँदै

काठमाडौं २६ कार्तिक। नेपाल कम्युनिष्ट पार्टी ९नेकपा० का उपाध्यक्ष वामदेव गौतमको राष्ट्रिय सभा सदस्य मनोनित गरेको निर्णय बदर गरी मन्त्री नबनाइयोस् भनी दायर भएको रिटको सुनुवाई हुँदैछ । उनले राष्ट्रिय सभा सांसद बनेर सपथ नै खाइसके पनि सर्वोच्च अदालतमा परेको रिटका कारण नियुक्ति अड्किएको छ ।गौतमलाई मन्त्रिपरिषद्को सिफारिसमा राष्ट्रपति विद्यादेवी भण्डारीले असोज १ गते राष्ट्रिय सभा सदस्यमा मनोनीत गरेकी थिइन् । सो मनोनयनविरुद्ध वरिष्ठ अधिवक्ता दिनेश त्रिपाठी र अधिवक्ता बद्रीराज भट्टले गौतमको नियुक्ति बदर गर्न माग गर्दै असोज ५ गते रिट दायर गरेका थिए ।