कपिलवस्तुको
चुरे वन क्षेत्रमा अवस्थित रहेको छ ‘ राम लक्ष्मण ताल ’ । बुद्धभुमी
नगरपालिकाको वडा नंं. ३ रनगाइमा रहेको उक्त ताल आन्तरिक पर्यटनको
दृष्टिकोणले निकै महत्त्वपूर्ण रहेको छ । उत्तर तर्फ वन क्षेत्र र चुरे
पहाडको हरियाली सँगै रहेको ताल निकै मनमोहक देखिन्छ । तालको बिचमा राम
लक्ष्मणको मन्दिर समेत रहेको छ । 

तराई क्षेत्रमा पिकनिक खान, रमाइलो
मनाउन, सेल्फी फोटो खिच्नको लागी नयाँ गन्तव्य खोज्नेका लागी खोज्नेका लागी
नयाँ गन्तव्य मध्ये राम लक्ष्मण ताल एक हो । बुद्धभुमी नगरपालिकाको वडा
नं. ४  हनुमानको मूर्ति रहेको चोकबाट उत्तर तर्फ ८ कि मी यात्रा गरे पछि
राम ताल पुग्न सकिन्छ । केही कालो पत्रे सडक र केही ग्राभेल सडकबाट सजिलै
ताल सम्म पुग्न सकिन्छ ।

 

तालको छेउछाउमा वनभोज खानका लागी ट्रस्ट
निमार्ण गरिएको छ । खाना पकाउनका लागी आवश्यक भाडा समेत उपलब्ध रहेको छ ।
वडाको पहलमा सौन्दर्यीकरण गर्न योजना रहेको वडा अध्यक्ष गोविन्द प्रसाद
आचार्यले बताए । तालको विकासको लागी लुम्बिनी प्रदेशबाट १० लाख रकम
विनियोजन भएको छ । उक्त रकमले डुङ्गा खरिद गर्ने र फूलबारीको विकास गर्ने
लक्ष्य राखेको तालको स्वामित्व रहेको राम लक्ष्मण सामुदायिक वनका
कोषाध्यक्ष जयराम थारुले बताए । सरकारको थप सहयोग भएमा सौन्दर्यीकरण गरी
पर्यटनको विकास हुन सक्ने देखिन्छ ।