धानको मूल्य :प्रदेश कृषि मन्त्रीले १० दिन कुराए, दुई साता बित्दा कृषक जिल्ल ।

    सरकारले मोटो धानको
प्रति  क्युन्टल २७ सय ३५ र मसिनोको २८ सय ८५ रुपैया तोकेको छ । तर बजारमा
अझै पनि मोटा धानको १८ सय र मसिनोको २ हजार भन्दा कम मूल्यमा धान बेच्न
बाध्य रहेको छन् । मन्त्री पौडेलको आश्वासन पछि उचित मूल्य पाउने आशा लिएका
कृषकहरू फेरि जिल्ल परेका छन् । 

सरकारले
धानको समर्थन मूल्यमा खरिद गर्नका लागी देशभर केन्द्र तोकेको छ ।
कपिलवस्तुमा साना किसान कृषि सहकारी संस्था लिमिटेडले केन्द्रीय संघ सँग
सहकार्य गर्दै समर्थन मूल्यमा खरिद गर्ने प्रतिबद्धता गरेको थियो ।
कपिलवस्तुका साना किसान कृषि सहकारी संस्था मोतीपुर, भलवाड, कोपवा ,
ईमिलिया , बुड्ढी र हिमाली कृषि साना किसानले समर्थन मूल्यमा धान खरिद
गर्ने प्रतिबद्धता गरेको थियो थियो । धोवीधाटमा रहेको केन्द्रीय कृषि
सहकारी संघले यी सहकारीको नाम नै तोकेर पठाएको छ । तर यी सहकारीले धान खरिद
गर्ने भनी सरकार सँग प्रतिबद्धता गरे पनि अहिले चुप लागेर बसेका छन् । 

प्रधानमन्त्री
कृषि आधुनिकीकरण परियोजनाले राखेको छलफलमा धान खरिदका लागी राखिएको बैठकमा
सरकारी संस्थाले कृषक सँगबाट धान खरिद नगर्ने निर्णय नै गरे । ‘ हाम्रो
सहकारी फोन कै भरमा धान खरिदका लागी सूचीकृत गरिएको थियो । सरकार सँग धान
खरिद गर्ने प्रतिबद्धता भए पनि सरकारले हामी सँग धान खरिद गर्ने कुरामा
ढुक्क भएका छैनौ । प्रति क्विन्टल ११२ रुपैया अनुदान दिने भनेको छ । त्यो
रकमले धान उठाउँदाको भाडा , गोदाममा राखेको पैसा समेत उठ्दैन । जनताका पैसा
राखेको सहकारी टाट पल्टिने गरी धान खरिद गर्न सक्दैन ।’  साना किसान
सहकारी मोतीपुरका अध्यक्ष कुमार मधु बेलवासेले बताए ।