कपिलवस्तुमा एकै दिन ३ अस्पताल भवनको शिलन्यास

कपिलवस्तु १५ मंसिर ।संघिय सरकारको प्रत्येक पालिकामा अस्पताल स्थापना गर्ने अभियान अन्तर्गत कपिलवस्तुमा एकै दिन ३ वटा अस्पताल भवनको शिलान्यास गरिएको छ । जिल्लाको दक्षिणी क्षेत्रमा पर्ने ३ पालिकामा अस्पतालको शिलान्यास गरिएको हो । मायादेबी गाउपालिका– ७ हरनामपुरमा १५ शैया, सुद्धोधन गाउपालिकाको लवनीमा १२ शैया र यशोधरा गाउपालिको सुठौलीमा ५ शैयाको अस्पताल  शिलान्यास गरिएको हो ।     
    हरनापुरमा सांसद सहसराम यादवले भवनका शिलान्यास गरेका थिए । जहा हरनामपुर प्राथमिक उपचार केन्द्रको परिसरमा अस्पताल निर्माण ह्ुनेछ । कार्यक्रममा गाउपालिका प्र्रमुख बजरंगी प्रसाद चौधरी वडाध्यक्ष लगायतको सहभागीता थियो । यस्तै सुद्धोधनको लवनीमा स्वास्थ्य चौकीको परिसरमा गाउपालिका प्रमुख निसार अहमद खाले अस्पतालको भवनको शिलान्यास गरेका थिए ।

  यस्तै यशोधराको सुठौलीमा गाउपालिका प्रमुख गिरिजेश कुमार पाण्डेयले भवनको शिलान्यास गरेका थिए । दक्षिणी क्षेत्रमा एकै पटक ३ वटा अस्पताल भवनको शिलान्यास भएपछि जनतारु खुशी भएका छन ।