अखाद्य वस्तु उत्पादन गर्ने ३४ उद्योगलाई कानुनी कारबाही गरिने

काठमाण्डौ १६ मंसिर । अखाद्य वस्तु उत्पादन गर्ने ३४ उद्योगलाई कानुनी कारबाही गरिने भएको छ । पिउने पानीसम्बन्धी १५, खाद्यान्न तथा दलहनसम्बन्धी आठ, दूध तथा दुग्ध पदार्थसम्बन्धी ६, तेल तथा घिउसम्बन्धी तीन र अन्य दुई गरी ३४ उद्योगलाई खाद्य ऐन–२०२३ अनुसार कानुनी कारबाही गरिने खाद्य प्रविधि तथा गुण नियन्त्रण विभागले जनाएको छ । नमुनाको विश्लेषण परीक्षण प्रतिवेदनअनुसार ७० नमुना मापदण्डअनुसार नभेटिएका उद्योग सञ्चालकलाई निरीक्षणमा राखिएको छ ।