माछा बिरुद्ध प्रहरी,३ सय किलो माछा र छ साईकल बरामद

कपिलवस्तु २५ मंसिर । लामो समयदेखि कपिलवस्तुका माछपालक किसानहरुले खुलेयाम भारतवाट आउने अबैध र गुणस्तरहिन माछाको आयात रोक्नु पर्ने माग उठाउदै आएकोमा यतिबेला कपिलवस्तु प्रहरी सोही अभियानमा लागेको छ । नेपालमा किसानले उत्पादन गरेका माछा नविक्ने भारतीय सस्ता माछा छयाप छयाप्ती पाइने विगतको अवस्थालाई बदल्न प्रहरी आक्रमक शैलीमा लागेको छ ।
    फलस्वरुप बीहिवार कपिलवस्तुमा तीन सय किलो अबैध माछा बरामद गरिएको प्रहरी उपरिक्षक नवराज अधिकारीले प्रेसपाटीलाई वताउनु भयो । जिल्लाको शुद्धोधन गाउँपालिका वडा नं. ५ जयनगराको बाटो भारत हुँदै नेपाल ल्याइदै गरेको अवस्थामा तीन सय किलो अवैध माछा बरामद गरिएको हो ।अवैध माछा ल्याएका ६ वटा साईकल पनि बरामद गरिएको कपिलवस्तु प्रहरीले जानकारी दिएको छ ।

    भारतबाट ल्याइएको माछा माङ्गुर र वैखी जातको रहेको प्रहरीले जनाएको छ । बरामद माछाको मूल्य एक लाख बाउन्न हजार बराबरको रहेको छ ।जाडो हात्तै बढेपछि भारत हुँदै नेपालमा माछा भित्राउने क्रम बढेको छ ।